唔知點解係一種好忙的狀態。
即係時間唔夠用咁喎。

一隊波執來執去都執唔好。
漏洞來來去去都係那些。
唔係夠唔夠人的問題；
而係最基本的陣式練極都練唔到隊型出來。

做個咁樣的領隊，
點會唔難過呀。
心裡面唔舒服呀。

無諗過忙成咁。

趕工

星期日因為要趕工於是6個地盤工人去到第一次工作的地盤。
第一次去也是最後一次去。

打完風有男人懷疑因為趕住返工而在馬路被車撞倒。

離家。
回家。

平平安安。

耶和華憐憫窮乏人。
尋日3號風球時嗌了麥麥送。
樓下管理處傳來電話時，
老婆說3號風球仲要送外賣，
真係辛苦晒。
我跟老婆說不如畀多o的貼士，
10蚊啦。

10蚊根本一o的都唔係多。
我心目中的數其實係20蚊。

又或許從來都唔係畀幾多貼士的問題，
而係我們有沒有從心的去關心這些與我們同活在這星球的升斗市民。

升斗的我們算甚麼，
神竟這般顧念我。
耶穌在3號風球開門見到混身濕透的外賣哥哥會有怎樣的反應呢。
唔知。
剩係知耶穌會用盡方法去讓這個人感受到愛與尊重。

我未做到。
要再努力o的。
步行籌款要有勇氣募捐的話，
同樣要有勇氣去跟我們擦身而過的人表達愛與關懷。

馮活正是個好好的和平使者，
或者說是一個好好的幫手；
幫爸爸媽媽去表達愛。

昨天早上去完街食早餐，
在市場見到清潔嬸嬸在拖地。
她望了望馮活正，
應該是被馮活正的可愛吸引吧。

爸爸留意到，
就「藉著」正正與嬸嬸打招呼say hi。
或許所做的不多，
又或許爸爸敢做的也不多；
但主觀意願地希望能給清潔嬸嬸在可能沉悶、辛勞的體力勞動中有一刻快樂的時候，
更重要係有一刻被人關心被尊重的時候(純屬主觀良善的願望)。

我們都在不斷壓迫我們的世界中生活、掙扎求存。
為了保住飯碗，
星期日都要開工雖然未必想去但係有人搵到又點到胡亂話唔去；
推得多人o地下次就有工開都唔想再搵你。
打完風就要趕返工唯恐遲了出門交通擠塞而遲到又給老細詐形的機會。

善待身邊的人。

911

911事件是2001年發生的吧。
剛剛要寫日子睇睇今日幾多號，
原來是911。

歷歷在目？
又好似未至於。
不過仍然記得當夜大家睇新聞時都可能講過的對白；
「乜係真o架？」

這個「乜係真o架」真o左8年了。

今日睇新聞，
有一條字話今日都係中國毒奶粉三聚氰胺事故一周年。

一周年。
仲記得2008年係發生了好多事的一年。
因為舊年年尾搞甚麼回顧等時，
好記得舊年是動盪中的一年。
而所有發生了所有事之後，
今年都變成了「一周年」。

洪水泛濫之時，耶和華坐著為王。

好鬼型。
而我們若能真實地相信主就係咁大能，
我們的信仰都會變得好型。

信。

點到你唔去

點到你唔去。

要講得出「點到你唔去」，
係要你對件事真係好own，
甚至係勁own。

own唔own，
唔係件事好唔好玩，
而係我們能否看到這件事背後是上主的主權。

萬事都是上主掌管，
是上主命定的。

單單是上主的心意，
已經足夠「點到你唔去」。
但不知從何時開始，
我們的信仰總是充滿了「討價還價」。

沙漠中的讚美

神關起一扇門 他必開一條新路
不疑惑 不軟弱 我心仍要讚美

賞賜的在於你 收取的你必代替
神旨意 不能攔阻 我心仍要讚美

凡事信靠主 不失去盼望 因為我的主仍然在掌權
他必在沙漠開江河 在曠野開道路
雖四面受敵卻不被困住
我要在沙漠中讚美 在曠野中宣告
我的主永遠掌權

*** ***

以賽亞書35：4-7a
對膽怯的人說：你們要剛強，不要懼怕。看哪，你們的神必來報仇，必來施行極大的報應；他必來拯救你們。
那時，瞎子的眼必睜開；聾子的耳必開通。
那時，瘸子必跳躍像鹿；啞巴的舌頭必能歌唱。在曠野必有水發出；在沙漠必有河湧流。
發光的沙（或譯：蜃樓）要變為水池；乾渴之地要變為泉源。

*** ***

在曠野中竟有水發出？
在沙漠竟有河湧流？

在絕境中上主大能臨到。

主永遠掌權。
很大很大的安慰。

不疑惑 不軟弱 我心仍要讚美

兩個就夠晒數

兩個就夠晒數。

本來想用這個cm改歌詞做「三百就夠晒數」或「七百就夠晒數」，
意思是步行籌款有300人參加就夠晒數，
或每人籌到700蚊就夠晒數(當然係假設了會有300人報名參加)。

而再次睇番這個n咁多年的cm，
真係好鬼有味道。
勁鍾意「追得多也未必好 追唔到呢就生壞肚」那段的阿媽，
同最後一個shot那個男人舉起兩隻手指然後微微搖頭的表情；
勁好戲，
真係應該畀個獎佢。

而最後我們沒有用這個意念，
或說最後這個idea沒通過被ban了。
其實提出前都有預算過「夠晒數」3個字係敏感的。

「夠晒數」即係300個或700蚊就「夠數」。
咁夠數之後即係不用再籌或再多o的人參加？
籌款、步行呢味o野梗係愈多人念好的嘛，
邊有「夠數」o架。

真係？

目標係應該訂立得明確、清晰的。
當然在不同崗位和角色上有不同的考量。
放下，
也是一份好好的功課。

拾壹‧拾拾

拾壹全力步行
拾拾出擊佈道

這兩句slogan是期望把10月1的步行籌款，
同10月10的佈道會連埋一齊。

讓所有人一講起就拾壹拾拾咁講，
一諗就拾壹拾拾咁諗。













全力出擊。

其實這副圖應該係紅色的，
唔知點解變了藍色。
控制唔到，
將錯就錯；
所以其實我真係幾鍾意藍色這一款的。
同工們一起揀4隻色而始終沒揀藍色。
相對其他的又真係無咁sharp。

有時鍾意的同o岩o岩用真係有差別的。
鍾意的在運用上唔一定係最好的。
但就始終係鍾意的。

我都做得到

我都做得到。

是兒歌，
但更係勵志歌。

聽多幾次，
真係幾激勵的。

回想這個月做宣傳的過程，
真係不容易。
由接到邀請到消化到消化唔到到點都要嘔o的o野出o黎。
有好多次都係坐在o係度唔知點樣傾落去。

手足o的樣都好難睇，
因為他們都做到呆了。

在hang晒機的時候，
自己就會在禱告。
因為深深相信也深深經歷，
我們只是管家，
是受託的。
度橋的智慧與聰明本來就不是屬於我們的，
都是神所賜的，
我們就是要好好運用上主所賜。
上主會包底。
哈哈哈。

總是在學習放低。