不再猶豫

點都要完

好似好多好多o野做咁。
所以無乜時間可以多出o黎打blog。
身邊發生很多事情；
有很多是很有趣的。
卻沒有太多時間去記錄。

昨晚查經。
一口氣完成馬可一章的三個神蹟故事。
預備得唔係最好。
其實可以好好玩。
不過真係點都想完了第一章。^^^
查極都唔完第一章？
唔好咁。

查經中的一句；

我們有沒有因為在某些人群中間有非常成功的建樹，而戀戀不捨地留在他們當中，卻忘記其他地方或人的需要呢？

放眼世界。
胸懷普世。

太空戰士，
一飛衝天。

一隊波

唔知點解係一種好忙的狀態。
即係時間唔夠用咁喎。

一隊波執來執去都執唔好。
漏洞來來去去都係那些。
唔係夠唔夠人的問題；
而係最基本的陣式練極都練唔到隊型出來。

做個咁樣的領隊，
點會唔難過呀。
心裡面唔舒服呀。

無諗過忙成咁。

趕工

星期日因為要趕工於是6個地盤工人去到第一次工作的地盤。
第一次去也是最後一次去。

打完風有男人懷疑因為趕住返工而在馬路被車撞倒。

離家。
回家。

平平安安。

耶和華憐憫窮乏人。
尋日3號風球時嗌了麥麥送。
樓下管理處傳來電話時，
老婆說3號風球仲要送外賣，
真係辛苦晒。
我跟老婆說不如畀多o的貼士，
10蚊啦。

10蚊根本一o的都唔係多。
我心目中的數其實係20蚊。

又或許從來都唔係畀幾多貼士的問題，
而係我們有沒有從心的去關心這些與我們同活在這星球的升斗市民。

升斗的我們算甚麼，
神竟這般顧念我。
耶穌在3號風球開門見到混身濕透的外賣哥哥會有怎樣的反應呢。
唔知。
剩係知耶穌會用盡方法去讓這個人感受到愛與尊重。

我未做到。
要再努力o的。
步行籌款要有勇氣募捐的話，
同樣要有勇氣去跟我們擦身而過的人表達愛與關懷。

馮活正是個好好的和平使者，
或者說是一個好好的幫手；
幫爸爸媽媽去表達愛。

昨天早上去完街食早餐，
在市場見到清潔嬸嬸在拖地。
她望了望馮活正，
應該是被馮活正的可愛吸引吧。

爸爸留意到，
就「藉著」正正與嬸嬸打招呼say hi。
或許所做的不多，
又或許爸爸敢做的也不多；
但主觀意願地希望能給清潔嬸嬸在可能沉悶、辛勞的體力勞動中有一刻快樂的時候，
更重要係有一刻被人關心被尊重的時候(純屬主觀良善的願望)。

我們都在不斷壓迫我們的世界中生活、掙扎求存。
為了保住飯碗，
星期日都要開工雖然未必想去但係有人搵到又點到胡亂話唔去；
推得多人o地下次就有工開都唔想再搵你。
打完風就要趕返工唯恐遲了出門交通擠塞而遲到又給老細詐形的機會。

善待身邊的人。

911

911事件是2001年發生的吧。
剛剛要寫日子睇睇今日幾多號，
原來是911。

歷歷在目？
又好似未至於。
不過仍然記得當夜大家睇新聞時都可能講過的對白；
「乜係真o架？」

這個「乜係真o架」真o左8年了。

今日睇新聞，
有一條字話今日都係中國毒奶粉三聚氰胺事故一周年。

一周年。
仲記得2008年係發生了好多事的一年。
因為舊年年尾搞甚麼回顧等時，
好記得舊年是動盪中的一年。
而所有發生了所有事之後，
今年都變成了「一周年」。

洪水泛濫之時，耶和華坐著為王。

好鬼型。
而我們若能真實地相信主就係咁大能，
我們的信仰都會變得好型。

信。

點到你唔去

點到你唔去。

要講得出「點到你唔去」，
係要你對件事真係好own，
甚至係勁own。

own唔own，
唔係件事好唔好玩，
而係我們能否看到這件事背後是上主的主權。

萬事都是上主掌管，
是上主命定的。

單單是上主的心意，
已經足夠「點到你唔去」。
但不知從何時開始，
我們的信仰總是充滿了「討價還價」。